 |
| 利申：開場前一個鐘影嫁，真係球迷開場當然係睇波唱歌啦，仲邊得閒拎住「神棍」呀！ |
繼東京迪士尼禁止遊客使用；南韓禁止售賣自拍「神棍」之後，昨日兩家位於倫敦的英超球會熱刺及阿仙奴都禁止「神棍」係比賽日「出場」。
自拍神器無處不在，不過現時有愈嚟愈多遊樂地點或景點開始禁用呢支「神棍」，最新係兩間英超球會熱刺同阿仙奴，都分別禁止入場人士在比賽日帶「神棍」入場。熱刺表示因為收到愈來愈多球迷投訴喺比賽期間受「神棍」影響，所以作出行動。大家都知每逢比賽日呢啲大球會都座無虛席，如果係比賽期間拎住支「神棍」舉嚟舉去，又真係會影響到其他觀眾睇波，所以決定禁止「神棍」出場。
兵工廠更加指稱，自拍「神棍」可能會成為「武器」。咁又係，歌仔都有得唱：「沒有得你的允許，我一棍毆落去」，容咩易入波（或者比人入波）時太激動，打到前後就唔好啦～
 |
| dailymail.co.uk圖片 |