今日小米北京發布會上，除了「酷似」iPhone 6 Plus 的新一代旗艦手機小米 Note 外，另外還推出了號稱「全球最細」的全新四核全高清小米小盒子。
新一代小米小盒子尺寸為 46.8×46.8×38mm，僅為上一代的四分一，號稱全球最小的四核全高清網絡機頂盒。小盒子的另一賣點是內容豐富，官方指新小米小盒子由中央銀河互聯網電視供應影視內容，比上一代提升 64%，至今已網羅超過 14 萬小時正版內容。唔知有冇得睇大頭版《武媚娘傳奇》呢？
機身內置 MTK MT8685 1.3GHz 四核處理器、1GB DDR3 RAM、4GB ROM、4+2 核 Mali-450 圖形處理器，支援 H.265 格式，及藍牙 4.0。小米小盒子將於 1 月 20 日於大陸小米官網正式發售，定價 199 人民幣，折合約港幣 $249；備有 7 種顏色選擇；香港區開售時間待定。就咁睇售價，又好似真係幾抵玩。
此外，小米亦同時發布一款頭戴式耳機。這款小米頭戴式耳戴內置 50mm 鈹振膜喇叭，阻抗低至 32Ω，採用半開放式結構，並加入鍍銀線設計。耳機售價 499 人民幣，折合約港幣 $625；如果話小米仲搵埋音樂人李泉為耳機調音，會唔會吸引力大啲？