小米不時都會突然推出新產品，就像昨日推出小米電視 2 的 40 吋型號一樣，以1,999人民幣售價，繼續用平價策略「打動人心」。今日又透露將會於下星期二舉行小米 5 周年的新品溝通會，希望同大家溝通溝通咁話。
其實所謂溝通，其實都係佢單方面發表新產品，大家最多都係可以係個社交網絡留個言，算唔算溝通咗就見仁見智啦，不過大家都係度估緊佢又會出啲咩？（唔知上 Kickstarter 會唔會搵到啲頭緒呢 XD）。熟悉小米嘅網友就傳緊佢地會出高階版（內地叫頂配版）小米 Note 同埋可能會有新款平板咁話，另外仲有可能係小米 4 2GB 版手機，實情係啲乜，就真係到時見知喇～