原來呢個世界上乜都係「攻擊性武器」！Proxy42工作室向全球召募玩家參與《Father.io》測試，將手機變武器，狙擊全球玩家，令全球變成虛擬FPS戰場！《Father.io》計畫官方網站昨日開始正式召募參與測試，截至香港時間2015年3月2日晚上11時全球已超過12萬玩家登記候選！
構想中《Father.io》用一部手機可以做武器，介面就係現實世界，對準敵人射擊就係咁簡單！而介紹影片入面，更加入虛擬道具，只要於特定場景內的專屬圖案尋找並下載QR Code即獲得子彈等道具，手機亦會顯示玩家附近的其他敵人玩家，十足十第一身射擊內的真實遊玩過程。
搖動手機可以充填子彈！
被打中會Game Over！
據官方影片描述，最遠狙擊敵人距離可遠至50米，所以官方亦會推出專用電子zoom鏡，補償手機鏡頭放大率不足，亦可遠距離狙擊敵人！
到底點玩？睇下官方影片實際啲！不過香港地咁玩法，其他人見到會唔會當你痴線呢？