大兵今日喊晒口話，WhatsApp 今日無啦啦被 Ban 用唔到，搞到覆唔到女神 BB message，唯有流淚行勝利道。如果閣下情況同大兵雷同，並非巧合，而好可能係因為安裝咗 WhatsApp 第三方軟件，被 WhatsApp 官方清理門戶，帳戶被 WhatsApp 封鎖……足足 24 小時。
全球唔少使用 WhatsApp 第三方軟件嘅用戶，例如 WhatsApp Plus、WhatsApp MD，亦有出現類似情況。官方暫停該類用戶的帳戶，指第三方軟件未經認證，官方不會支援；並基於私隱及安全性理由，要求他們下載官方版本的 WhatsApp，停止使用風險較高的第三方軟件。講返大兵，佢毋懼世事變改，越南愈愛，當機立斷裝返官方正版 WhatsApp，發現冇錯過女神 BB 嘅新 message，開心到跳起 yeah。
