USB 充電器大行其道，單單係車充其實 Funky 仔已經為大家介紹唔少，不過今星期落場，就有個 Friend 話呢隻車充就真係堅（我心諗…其實有邊次唔係咁講），Funky 仔單望外表又唔覺佢有乜特別，成個車充仲要得一個頭，夠自己用又唔可以 Share 俾（女）朋友，自私到無朋友。
之不過佢話，原來呢個車充支援 QC2.0，號稱可以半粒鐘可以幫 3,300mAh 電充到 60%，對於香港地車程唔太長，就真係正到痺，不過佢都有少少限制，就係一定要係 Qualcomm U先可以支援，假如大家部機係果批新新地，行緊 400、600 同 800 或之後嘅手機處理器先得，咁樣樣…即係剩係充手機先有咁快咯。
查詢：A Grade（3188 8810）