年近歲晚，大家都開始執拾，又或者睇吓有咩物品需要換，雖然今年過年都應該唔會點去拜年，不過執靚屋企大家住得舒服啲都係好嘅。巴頓有個朋友一路都只係用藍牙喇叭聽歌，今年都想買番套聽歌用嘅 Hi-Fi ，適逢有代理做優惠套裝多個參考。
無論你打算玩家庭影院又或者兩聲道音響，喇叭一定唔少得，而 Mission 嘅喇叭產品線就囊括上述兩類用家， Mission 香港的代理 POMA 兩個月前做咗次冬日優惠，有唔少筍價套裝組合優惠，為咗答謝香港用家支持，代理方面將優惠延長至 2021 年 2 月 10 日，其中巴頓覺得有兩套組合都相當抵玩；先講入門 3.1.2 聲道座地喇叭組合，呢個組合包含 Mission LX-4 MKII 座地喇叭、 Mission LX-C2 MKII 中置喇叭、 Mission LX-3D MKII 反射/環繞聲喇叭同 Mission MS-200 超低音喇叭，由於選擇咗整個 LX 系列，所以音質取向嘅協同性會更好，配合 Pioneer 或者 Onkyo 嘅 AV 擴音機表現亦相當稱職。
呢個套裝原價 $16,420 ，減價後 $12,488 就買到，平咗接近四千蚊，仲可以 $490 加配原價 $980 嘅 Mission M-CUBE Satellite 衞星喇叭一隻（連掛架），又或者以 $199 換購原價 $799 嘅 GO-X1 全無線耳機。如果聽歌為主嘅，可以選擇網絡 CD 音響套裝 Onkyo CS-N1075QX2 （香港別注版），包括 Mission QX-2 書架喇叭（紅木色）、 Onkyo R-N855 立體聲網絡擴音機及 Onkyo C-755 CD 播放機，套裝原價 $13,340 ，減價後 $11,288 就買到，都平咗兩千，呢個套裝一樣可以 $199 換購原價 $799 嘅 GO-X1 全無線耳機。想過年前 Set 番套靚機喺屋企聽歌，就要把握時間入貨啦！
查詢：POMA ( 2429 8148 )