IQ 博士 Fans 眾多，不過佢唔似得其他卡通角色咁，精品數量泛濫，不過嚟緊大家要留意，八達通將會喺 4 月 22 日（星期三）推出一款有款好 Cutie 又實用嘅「IQ 博士 3D 八達通」。
今次呢款以 IQ 博士做主題嘅產品，有小雲同小吉兩個款選擇，最特別係兩款都以立體設計，實物高度約 7-8cm 左右，方便攜帶出外四圍「嘟」。佢除咗可以扣上鏈扣方便攜帶之外，亦都可以將鏈扣拆出，再裝上特別設計的底座，讓喜歡IQ博士的朋友當佢裝飾品咁儲，又有功能又可以當做擺設，一物二用俾我係 Fans 都會一次過買晒兩隻啦。
 |
| 今次這款八達通唔單止俾大家帶出街，加埋底座仲可以放喺屋企當做擺設。 |
而呢兩款「IQ 博士 3D 八達通」與其他八達通產品一樣，除咗可以用於消費購物、增值，用戶亦可以用「八達通」App 智能手機程式或八達通 PC 閱卡機，查閱最近 40 次交易紀錄，並同時可申請「八達通自動增值服務」及登記成為「八達通日日賞」會員以賺取日日賞。
這款產品將於 2015 年 4 月 22 日於全線 7-Eleven 便利店、八達通網上商店有得賣。每款「IQ博士立體八達通」為 $188 元，並不設按金及儲值額。
 |
| 除了作為裝飾之外，亦可以拆出底座，掛上鏈扣以方便攜帶。 |