更多

    Pokémon GO 12 月社群日復刻今年11隻主角!

    JY
    JY
    一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大家睇得開心!

    Pokémon GO 由今年一月開始每個月都會搞一次社群日,每次社群日都會揀一隻御三家或者稀有啲嘅小精靈做主角。喺社群日舉行嘅時段,被選中嘅主角出現率、色違出現率會大幅提高,喺指定時段內將佢哋進化到最終形態會學到平時唔會有嘅特別招式(比卡超、伊貝除外)。另外,喺社群日舉行嘅時段會加推捕捉獎勵。

    a1

    官方就係知道因為 Pokémon Let’s Go 推出,好多人回鍋玩返 Pokémon GO(我講嘅ww,咁的確係多返人玩),今年最後一次社群日就一連搞 3 日,復刻返今年 11 隻主角,等 miss 咗嘅玩家都可以收服返佢哋!

    a4

    12 月社群日將會喺香港時間 12 月 1 號凌晨 5 點 至 12 月 3 號下午 3 點舉行,活動期間今年 11 隻主角包括:奇異種子、小火龍、車厘龜、比卡超、伊貝、迷你龍、菊草葉、火球鼠、咩利羊、由基拉同鐵啞鈴嘅出現率會提高,喺呢段時間內將佢哋進化到最終形態會學到特別招式(比卡超、伊貝一捉就有特別招式)。另外喺 12 月 2 號 11:00~14:00 將會有捕捉獎勵,包括: Catch XP ×2 、星塵 ×1 、孵蛋所需距離減半。

    您會感興趣的內容

    相關文章