SSD 成日跌價都好似好勁咁，不過次次都係得一兩隻跌得勁，又好似無乜睇頭咁，所以今次特登等埋幾間，等佢地一齊減價先話再報出嚟，等大家可以有多幾個選擇之餘，又唔會好似有啲幫人清舊嘅 Feel 呀嘛，不過係報告之前，先考下大家，係場度近排有隻牌子唔覺唔覺就消失咗，大家估下係邊隻？下段開估。
排第一嘅雖然係一款比較高階又夠晒平嘅款式，不過一睇牌子大家都會愕一愕，因為呢個牌子就係 ADATA，店家話呢隻 SP920 應該可以改變大家對佢印象，價錢就正晒不過好唔好真係用過先知。而另一款係出三防外置出晒名嘅 SP，佢呢個價就真係正，120GB 唔使四嚿水，起機至啱。至於邊一隻牌子唔見咗？咪就係「O 記」囉，據消息話，原來呢個牌子家陣專做伺服器級 SSD，無出家用款，所以個場無人入咁解。都好嘅，唔使來來去去都係果幾隻牌子玩晒呀嘛。
查詢：展昇（2361 1295）