 |
WhatsApp 又有新搞作！繼網頁版後，今次輪到說好了的語音通話功能 WhatsApp Call！雖然仲係 Beta 階段，但相信正式推出之日不遠矣。女版主已經率先速試，再試埋另外同樣有免費語音通話功能嘅兩大 IM：LINE 同 Facebook Messenger，一齊超級比一比。
一App通行方便外遊
WhatsApp 全球用戶人數達 7 億，香港人也相當喜愛用此 App 通訊，加入免費 VoIP 語音通話無疑更方便；特別是身處外地時，可以用數據或 Wi-Fi 打電話畀親朋戚友，一個 App 搞掂晒，抵讚。
 |  |
| 開通 WhatsApp Call 功能後，介面頂部會自動增加「通話」選項，並顯示通話歷史。 | 點選 WhatsApp 聯絡人，會看見對話介面右上角新增電話 icon，點選即可啟動通話功能。 |
 |  |
| 在「設定」→「帳號資訊」→「網絡使用流量」中，可查看通話使用的數據量。 | 實測後證實，2.12.5 版本一樣能夠開通 WhatsApp Call 功能。 |
朋友打畀你先有得玩
由於 WhatsApp Call 尚屬 Beta 階段，暫時未有得透過更新或下載 APK 等途徑開通此功能，唯一方法是要「靠朋友」：只有擁有 WhatsApp Call 功能的朋友打一次電話給你，你才可以開通此功能。切勿輕信網上流傳的 WhatsApp Call APK，極有可能是病毒。此外網上亦有傳言指要更新至最新的 2.12.14 版本甚至是 4.0.0 版本（！？）才可以開通打電話功能，仲要更改通知設定云云；但女版主實試，只需循 Play Store 更新至 2.12.5 版本，一樣玩到（當然前題是閣下有個「朋友」先打畀你開通此功能）。要留意，WhatsApp Call 暫時只屬 Android 限定，iOS 用戶未有得用住，要等等先啦！
通話質素較其他 IM 佳
有得免費打電話嘅 IM 不獨 WhatsApp，港人常用嘅包括 LINE 同 Facebook Messenger。女版主利用 Wi-Fi 及 4G 網絡，與同事通話實試後一致認為，所有 IM 的語音通話功能均有一至兩秒延遲，但 WhatsApp Call 的迴音較 Facebook Messenger 稍勝一籌，而且通話亦尚算暢順，「窒窒下」問題沒有 LINE Call 般嚴重。
 |  |
WhatsApp Call
分數：4/5
小評：實測用 4G 在街上通話，接收穩定及清晰，質素尚算可接受，通話中途仲可以 Send Message。但間中撥出時對方慢幾拍先接到甚至完全收唔到，而且來電時迫爆個芒的頭像有點嚇人，女朋友喺隔離見到實（拷）問你邊個打畀你啦。
 |  |
Facebook Messenger
分數：3.5/5
小評：通話穩定，略嫌迴音及雜音稍大。每次通話後會有評分機制，有助改善用戶體驗。不過 Facebook Messenger 較「大食」，中低階手機執行時可能較吃力。
 |  |
LINE Call
分數：3/5
小評：優點是有得打語音及視像通話，通話介面亦較順眼；缺點是質素麻麻，穩定性較低，就算語音通話都經常「窒窒下」，雜音亦較多。