雖然 4K 電視機的價格已經回落不少，不過想要有大屏幕享受，都起碼要有 65 吋或以上先有效果，當然唔係人人屋企都容得下咁大部電視，所以投影機就係另一個唔錯嘅選擇。
唔少廠商都鼓吹 8K 時代已經逐步來臨，巴頓當然唔會否定呢個趨勢，但站喺用家角度，最重要都係訊源要配合，無訊源或軟件，單有硬件都係得物無所用，所以巴頓都係覺得家陣玩 4K 亦是好時機，選擇多，價格合理，尤其係 4K 投影機可以提供接近戲院的大銀幕效果，其中 Optoma 有款 KHD38+ 4K 投影機近排就吸引著巴頓嘅目光。
呢款投影機具備 4,000 流明的亮度，廠方指對比度為 1,000,000 : 1 ，兼容 HDR 和 HLG ，使用遊戲增強模式時，於 1,080p 時產生 4.2ms 的反應時間， 4K 時產生 16ms 的反應時間，配合 UltraDetail 技術確保更高的圖像銳利度，以及更高的幀率提供清晰影像。輸入插座選項，包括支援 HDCP 2.2 的 HDMI 2.0 、 USB 及 VGA 等，方便連接不同訊源。至於投影尺寸方面，標準投影從約 4.0 公尺可投影 100 吋屏幕，燈泡壽命長達 15,000 小時，即每天平均播放兩套電影都可以用超過10年。
KHD38+ 原價 $12,999 ，油麻地 Y5.HK 做緊減價， $8,888 就買到。同場仲有款 Optoma 迷你便攜投影機 LV130 做緊減價，支援 MHL 可連接手機或平板電腦等直接鏡射投影，投影機內置 6,700mAh 充電池方便外出使用，無論是娛樂或工作用途都是最佳拍檔， LV130 原價 $6,999 ，減價後 $3,499 ，有興趣的朋友可以上去試試。
查詢：Y5.HK （ 3974 6660 ）